Центарот за развој на Југоисточниот плански регион до јули идната година ќе го реализира проектот ,,Деловен екосистем како интегриран систем – Би Ин” кој има за цел да им се помогне на поединците да ги развијат своите вештини, а на деловните субјекти да го зголемат својот капацитет преку создавање на кохерентен, интегриран и иновативен деловен екосистем кој овозможува вмрежување и зајакнување на идеите со цел да се намали јазот помеѓу понудата и побарувачката на пазарот во прекуграничниот регион.
Проектот предвидува меѓусекторски и квалитетни анкети пропратени со длабински интервјуа, кои ќе дадат една поширока слика за работната сила и трендовите во претприемништвото, а ќе откријат важни слабости. Планира и поддршка, помош во работењето и поттикнување на нови идеи на постојните мали и средни претпријатија, преку развивање на пакет со алатки со цел зајакнување на сегашните оперативни капацитети.
Како резултат на проектот ,,Деловен екосистем како интегриран систем – Би Ин” се очекува да се добие јасна слика за тековните трендови во однос на понудата и побарувачката, силните страни и слабостите на работната сила а ќе обезбедат информации за претприемачките капацитети, вештини и знаења. Парлалено се очекува да се спроведат и кампови за претприемништво и иновации и самитот на млади лидери, ќе откријат нови идеи, но што е најважно ќе го засилат процесот на трансформирање на идеите во конкретни акции.
Вкупниот буџет на проектот изнесува 910.144,71 евро, а за реализација на активностите по овој проект за Центарот за развој на Југоисточниот плански регион е предвиден буџет во износ од 152.482,50 евра.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
