Денеска фудбалерките на Тиверија Брера во Скопје го играат финалето од Купот на Македонија во женска конкуренција. Противник е тимот на ЖФК Каменица Саса.
За фудбалерките на Тиверија Брера ова е второ последователно финале откако минатата година беа совладани од Љуботен. Претходно струмичанки беа финалистки во три едно по друго сезони и тоа во периодот од 2017 до 2019 година. Во 2018-тата Тиверија Брера беше победник откако славеше во дуелот против Драгон.
„Претстојното Куп финале ќе биде петто во историјата на нашиот клуб, а досега имаме освоено една Куп титула. Верувам во мојата екипа, во нивниот карактер, квалитет и желба за успех. Верувам дека овој натпревар ќе биде вистински празник за женскиот фудбал. Голема благодарност до Фудбалска федерација на Македонија за овозможувањето директен пренос на МРТ, како и за примената на ВАР технологијата за прв пат на женски фудбалски натпревар кај нас. Ова е важен чекор кон поголема професионализација и популаризација на женскиот фудбал„ изјави за Дрнка МК Александра Терзиски
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
