Фондација Елеуса објави дека е заврши подготовката на 172 хуманитарни пакети кои се наменети за најзагрзените семејства од Струмица, Василево, Ново Село, Босилово, Берово, Пехчево и Дојран. Оттаму велат дека за експедитивноста голема улога имаа волонтерите кои еден месец интензивно работеа на прибирање на храната, селекција и пакување.
,,И возрасни и млади, сите заедно со една цел – подготовка на хуманитарните пакети за најзагрозените семејства од регионот. Еден месец, посветеност, пожртвуваност, ангажираност на педесетина волонтери кои секој слободен момент го користеа да дојдат во собирниот пункт да помагаат. Мисијата е остварена, 172 пакети се спремни да патуваат во домовите на оние семејства на кои им е потребна помош“, напишаа од Фондација Елеуса на својот Фејсбук профил.
Првите пакети веќе се однесени кај семејствата од Берово и од Пехчево, а во наредниве денови ќе бидат испратени сите пакети до крајната дестинација.
Годинава за првпат беа вклучени и основните училишта од регионот. Учениците масовно, донираа храна за акцијата „Подари дел од својата трпеза, нахрани гладен“, учествуваа и граѓаните кои оставаа артикли во корпите кои беа оставени низ маркетите во Струмица и Дојран.
Во акцијата се вклучија и партнери, општествено одоговорни компании кои донираа дел од својата палета производи. И Фондација Елеуса од сопствени средства дополнително набави производи за подготовка на пакетите.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
