Претседателот на ФК „Брера Струмица“ – Горан Пандев најави дека клубот планира да организира силен меѓународен младински турнир кој ќе се одржи во Струмица. Според неговата изјава дадена за време роденденот и отворениот ден со клубот, веќе се преговара со екипи од Италија, Србија, Хрватска и Шпанија а турнирот би се одржал на СРЦ „Пандев“ во Струмица како можност за стекнување искуство но градење фудбалски другарства со деца и од странство.
,, Планираме да направиме турнир овде во Струмица со екипи од Италија, Србија, Хрватска и Шпанија . Во тек се преговорите и се надевам дека во брза иднина ќе имаме еден официјален турнир кој ќе се одржува секоја година на нашиот спортски комплекс. Децата и младите во нашиот клуб ги чека големо изненадување. Со нив ќе се работи по нова програма, со нови тренери. Ќе мора да ги охрабриме децата да спортуваат а ние како клуб ќе овозможиме се тие да напредуваат и да бидат среќни“, рече Пандев.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
