Универзитетот „Гоце Делчев“ од Штип од денеска ги започна уписите на нови студенти. Во наредните денови ќе се примаат документите на студентите, кои од први јули имаа можност за место да аплицираат и електронски. На располагање се 70-тина програми, кои се реакредитирани и прилагодени на современите трендови, рече проректорот за настава Мишко Џидров кој подвлече дека на штипскиот универзитет слободни се 4.100 места на 12 факултети и три академии. Прием на документи за уписи на студиските програми на УГД се врши и во наставните центри во Струмица и Гевгелија
,,Филолошки факултет за студиската програма за македонски јазик овозможува за прв и втор семестар за прва година студии, студентите да не плаќаат партиципација. Понатаму и за десет најдобро рангирани студенти на Филилошкиот факултет и на другите насоки ќе биде овозможена истата опција. На Медицинскиот факултет 30-те најдобри средношколци со најдобар просек ќе бидат ослободени од плаќање на партиципација за прв и втор семестар. Понатаму, по 20 за Земјоделски факултет, Економски, Правен, Факултет за туризам и логистика. За десет најдобро рангирани на техничките факултети, по десет за Електротехничкиот, Машинскиот и Техничко – технолошкиот факултет и по пет за академиите,, рече проректорот Џидров.
Кои се студиските програми на УГД и колку слободни места има на факултетите и академиите можете да видете ТУКА
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
