Тони тутун остана неоткупен во струмичко, тутунарите бараат откупот да продолжи до 31 март

890

Голем број тутунари од струмичко не успеа да го предадат својот тутун од ланската реколта во предвидениот законкси рок. Станува збор за произведени количини за кои тутунарите немаа склучено договори а го пријавија како вишок кај надлежните. Во населеното место Градашорци според произвдителите има околу 60 тина тони тутун кои остана по таваните, шталите или пак бил пакуван и чекале да го предадат кај откупните компании. Плашејки се да не се расипе тие деновиве повторно го распакуваа и го проветруваа со надеж дека ќе успеат да најдат пласман на вишокот кој им остана дома.

,, Најмалку 30 тони тутун има од кооперантите што бевме на Далија Табак. Договорените количини ни ги превзеде прилепскиот тутунски комбинат а вишокто ни остана. Таваните ни се полни со тутун. Голем број производители со надеж дека ќе им го земат го пакуваа па мораа да го враќат и повторно да го проветруваат. Верувам дека во Градашорци има околу 60 тони неоткупен тутун кој е основниот извор на егзистенција на голем број семејства. Бараме да се продолжи рокот на откупот до 31 март и да се превземе целиот тутун,, вели Ерол Демов кој беше еден од најупорните да се најде решение со кооперантите на Далија која ова сезона не откупуваше

Сликата беше уште полоша кај семејството Демови. Тие произвеле околу  3000 килограми тутун а предале само 300 килограми. Минатата недела го однеле во радовишко да го предадат но им го вратиле со изговор дека бил многу влажен. Таткото Емед и неговите синови во пластениците го распакуваа и го располсаа да се подзасуши. Сите беа нервозни оти од тутунот чекале пари и да ја планираат нвоата производствена година

,, Ова навистина не се издржува. Што да правиме со овој тутун.  Со двајцата синови и нивните фамилии имавме околу 1,5 хектари засадено со тутун. Најмалку еден тон имавме пакувано но го вративме и сега еве повторно го препакуваме. Се надеваме дека ако продолжи откупот да го предадеме, но никој нема кажано дали од понеделник ќе се откупува. Сакаме да се откупува до 31 март ,, кажа Демов

Минатата недела надлежните од МЗШВ најавија измени на законот за тутун за да може откупот да продолжи до 31 март и да се превзеде целиот вишок. Според нашите информации измените сеуште не се ставени на дневен ред во Собранието за да расправаат пратениците.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.