Педесет и едногодишен жител на струмичко село е лишен од слобода поради сомнение дека физички го нападнал својот 19-годишен син и го турнал по скали, при што младиот човек се здобил со тешки телесни повреди.
Според информациите од МВР, полициски службеници од СВР Струмица го привеле осомничениот вчера во 16:40 часот, постапувајќи по претходна пријава дека на 1 август, на терасата од семејниот дом, физички го нападнал синот и го турнал по скалите.
Повредениот 19-годишник бил пренесен во Медицинскиот центар во Струмица, каде што му биле констатирани тешки телесни повреди.
По целосното документирање на случајот, против него ќе биде поднесена соодветна пријава.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
