Струмичкото обвинителство бара судот да казни 69 лица со по две и три илјади евра оти не почитувале самоизолација и полициски час

897

Струмичкото основното јавно обвинителство до надлежниот суд во Струмица поднесе предлози за издавање казнени налози за дури 69 лица кои во изминатиот период  непостапувале според здравствени прописи за време на епидемија од член 206 став 1 од Кривичниот законик, соопшти Јавното обвинителство

Како што стои на сајтот на Јавното обвинителство, седуммина од обвинетите не се придржувале на мерките за задолжителна самоизолација. Сите тие во земјава влегле во првата половина на месец март и потпишале изјави дека 14 дена ќе бидат во самоизолација но при контроли од страна на полицијата било констатирно дека тие не ја почитувале. За сите нив, Основното јавно обвинителство од Струмица бара да бидат парично казнети со по 3000 евра

Основното јавно обвинителство одСтрумица поведе постапка и за 62 лица кои не го почитувале полицискиот час. Сите тие не ги почитувале прописите и одлуките на Владата со кои се определуваат мерки за спречување и сузбивање на заразната болест COVID-19 односно за време на полицискиот час, биле затекнати како се движат на различни локации во градот.

За обвинетите кои се товарат дека не го почитувале полицискиот час, обвинителството на судот му предложи на секој од нив да изрече парична казна од 2000 евра во денарска противвредност.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.