Струмичанецот Сашко Митев го објави спотот за песната „Чедо најмило“ во кој се појавува со ќеркичката Лина (видео)

4876

Овие денови излезе новиот видео спот на пеачот и инструменталист Сашко Митев роден струмичанец а вработен во НУ Ансамбл Танец во Скопје. Станува збор за песната ,,ЧЕДО НАЈМИЛО“ која ја промовираше минатата година а за која комплетен автор е Мендо Ташкоски. Видео записот е снимен на неколку локации во Скопје а во истиот освен Сашко, се појавуваат неговата ќерка Лина,како и Влатко Терзиски како инструменталист на кларинет и авторот  Ташкоски.

,, Чедо најмило е песна во која што е опеана љубовта спрема нашите најмили,односно  нашите чеда. Тоа е љубов која што од ден на ден расте толку многу паралелно како што растат и нашите чеда. Сакав на сопствен и најдобар начин да ја преточеам лубовта кон нашите чеда во мелодија со ноти и музика.,, вели Митев

Песната е снимена во MT Music Studio од Прилеп, додека за видеото се погрижи Студио LUMA Photo&Video од Струмица.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.