Цели четири часа траеше интернационалното карневалско дефиле во Струмица, во кое карневалистите понудија шаренило од бои, одлични креации и силни пораки до пристуните со своите музичко сценски настапи на плоштадот Гоце Делчев. Вкупно 1300 учесници поделени во 48 групи ја направија Струмица да биде карневслкиот центар на Балканот и Европа оти се понудија квалитетни маски во кои е вложен многу труд, љубов и желба кажаа високите преставници на Европската асоцијација на каренвалски градови кои го следеа дефилето.
Учесниците со своите маски уште еданш апелираа на љубов, соживот, емпатија, мир, забава, заштита на природата и Земјата. Ги гонеа лошите и зли духови а носеа убавина и радост. Газелите од Радовиш, маските на трите средни училишта од Струмица на каренвалските здруженија Струма и Мулен Руж доминираа на плоштадот со својата големина.
Освен традиционалните струмички групи како и групни маски од Радовиш, Куманово, Кавадарци и Пробиштип, на карневалот во Струмица настапија и групи од Србија, Црна Гора, Хрватска, Босна, Грција,Турција и Бугарија.Нивните настапи и креации ги видеа десетици илјади посетители од земјава и странство кои овие денови ги исполнија сите сместувачки капацитети во Струмица
За реализација на канревалот во Струмица Општината додели 4 милиони денари, Министерството за култура 1,5 а средства доделија и повеќе компании кои со години ја подржуваат ова манифестација.
Повеќе ФОТОГРАФИИ И ВИДЕА можете да видете на ФБ страната на Дрнка.МК портал или ТУКА
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
