Струмица и спортската сала Парк ќе бидат домаќини на завршницата од Европската сребрена лига на почетокот на јуни годинава а во мај домаќин на групата во која игра Македонија. Информацијата за Дрнка.МК ја потврдија од ОФМ од каде повеќе детали не соопштија, иако во изминатиот период се споменуваше дека мечевите од групната фаза ќе се играат во Велес а завршниот турнир во Скопје
Како што е познато Македонската одбојкарска репрезентација во Европската сребрена лига се најде во групата А во која се и репрезентациите на Данска, Израел и Кипар. Тие мечевите од групната фаза ќе ги играат во Струмица во салата Парк од 21 до 23 мај. Како што дознава Дрнка.МК, Македонија на 21 мај ќе се сретне со Кипар, следниот ден на 22 силите ќе ги одмери со Израел а на 23 мај со Данска. Сите мечеви Македонија ќе ги игра во 20 часот.
Вториот турнир од групата А е од 28-30 мај кој го организираат Данците. Во групата Б се селекциите на Хрватска, Австрија, Унгарија и Луксембург.
Најдобрите три селекции од двете групи и Македонија како домаќин, борбата за медалите повторно ќе ја имаат во Струмица и тоа на 5 и 6 јуни во спортската сала Парк. Македонската одбојкарска селекција во Струмица ќе ја има шансата да игра за првото злато во Европската лига откако досега освои три сребрени медали во 2015, 2016 и 2017 година
фото ОФМ ( Славје на одбојкарите за новиот пласман на Европско првенство )
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
