Струмица доби Уметничка галерија во градската скривница – ќе биде пуштена во март !

1334

Заврши реализацијата на проектот „Пренамена и адаптација на деловен простор во Уметничка галерија“, соопшти општина Струмица Стауа збор за простор под градскиот плоштад, изграден како дел од градската скривница, кој порано се користеше за регистрација на бракови. Со адаптацијата се отвора ново културно катче и место за сите љубители на уметноста и културата.

,,Вкупната корисна површина на пренаменетиот простор изнесува 319 метри квадратни, а има изложбен простор, депо за слики, дневно депо, канцеларија, бифе и простор за седење, санитарни јазли, а ќе биде и место и каде што ќе може да се организираат приеми, промоции и слични настани,, информираат од опшина Струмица.

Вкупната вредност на проектот е 7.436.138 денари, средства обезбедени од општина Струмица и Министерството за култура. Паралелно со овој проект се реализира и изградбата на настрешница на влезот во Уметничката галерија, но таа се уште е во тек и се очекува да заврши во текот на месец март оваа година кога и официјално галеријата ќе биде пуштена во работа.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.