Општина Струмица деновиве распиша Јавна набавка за адаптација на дел од сутерен (подрум) на општинската зграда кој треба да премине во Младински центар. Огласот е објавен на 31 октомври а заинтересираните економски оператори своите понуди согласно Огласот може да ги достават до 16 ноември. Станува збор за простор кој треба целосно да се реновира за да премине во Центар каде младите ќе може да ги креираат одредени политики и да ги артикулираат своите потреби.
Проценетата вредност на тендерот без ДДВ изнесува 6,8 милиони денари или околу 110 илјади евра. Согласно објавената техничка спецификација , заинтересираните фирми ќе мора да извршат архитектонски работи каде се планира промена на плафони, под, ѕидови, да се постави нова водоводна и фекална канализација , нова електрична инсталација но и нов систем за топловодно греење и вентилација.
Заинтересираните фирми треба да поседуваат документ за регистрирана дејност односно важечка Лиценца Б за изведувач на градби од втора категорија, издадена од Министерството за транспорт и врски но и да имаат минимален годишен приход од 15.000.000,оо (петнаесет милиони) денари за последните три години (2019, 2020 и 2021 година).
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
