Општина Струмица и Општинскиот сојуз за училишен спорт, ја организираат традиционалната манифестација „Спортист на годината“, на која ќе бидат прогласени најдобрите спортисти, спортски екипи и тренери од општина Струмица за 2018 година.
Оваа година изборот на најдобрите и најуспешни спортисти, спортски екипи и тренери, ќе се подели во две категории: „Квалитетен спорт“ и „Масовен спорт“.
Во категорија „Квалитетен спорт“ ќе се избира: најдобар спортист во млади категории,најдобра екипа во млади категории, најдобар тренер во млади категории, најдобар тренер кај сениорски екипи, најдобра екипа во сениорска конкуренција и најдобар спортист.
Годинава се планира да бидат доделени награди и во категорија „Масовен спорт“ – планинарство, ориентација, лов, риболов, училишен спорт, мотоспорт, велосипедизам, стрелаштво, гулабарство и други масовни спортови
Екипите во изминатиов период номинираа свои кандидати за кои ќе гласат спортски работници и новинари.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
