Одбојкарките на Наковски волеј го освоија среброто од КУПОТ на Македонија кој се одигра во Радовиш. Во големото финале за освојување на титулата загубија од актуелниот шампион и бранител на Куп пехарот – Работнички од Скопје со 3:1 (25:23, 18:25, 28:30, 16:25) во меч каде струмичанки покажаа храброст и борбена игра.
Струмичанки беа рамноправни во мечот но немаа среќа посебно во третиот сет, кој можеби беше одлучувачки за победата на Работнички. Имено струмичанки добро го отворија финалето. Поведоа со 1:0 но скопскиот состав возврати во вториот сет. Наковски беше на чекор од водството од 2:1 но искусниот Работнички направи пресврт и со 30:28 тие си создадоа предност од еден сет.
Во четвртиот сет струмичанки како да немаа сила да се носат со Работнички кој со 3:1 ја одбрани КУП титулата од минатата сезона. Кај Наковски најефикасна беше Љиља Ковачевиќ со 13 поени, Хаџи-Тосева заработи 11, а Милева 8.
Ова беше втората шанса за струмичанки преку Купот да дојдат до првата клупсkа титула.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
