Во рамките на проектот ,,Сите вистини на веста’’ кој го спроведува Здружението Мултус од Гевгелија, објавено е е второто видео кое упатува предупредување кај читателите за информациите кои се спинуваат а се пласираат во јавноста. Видеото е насловено ,,Спин Понг – Нема Ваздух ’’ која ја обработува темата за загадениот воздух, но како ,,актерите – одговорните’’ имаат намера да ја спинуваат веста.
,,Сите вистини на веста’’ е дел од проектот на “Критинк”, финансиран од Европската унија, а спроведуван од фондација ,,Метаморфозис’’ и Еуротинк – Центар за европски стратегии кој има за цел да ги навикне читателите и гледачите да ги препознаат вистинските вести но и критички да размислуваат кон информациите кои се пласираат во јавноста кои честопати под влијание на политичките и бизнис елити се спинуваат.
,,Спин е најчеста медиумска манипулација, која е најтешко да се улови. Спинот настанал кога се споиле политиката и маркетингот и најчесто го користат политичките партии кога сакаат да “испревртат” некоја вистина’’ ни изјави Лиле Танчева од Здружението ,,Мултус’’ од Гевгелија
Здружението Мултус од Гевгелија видеото го изработи со продукција ,, Диверзија’’ кои преку еден комичен начин објаснуваат како одредена вест се спинува со цел да се дефокусира јавноста. Медиумски партнери на проектот ,,Сите вистини на веста’’ на Мултус од Гевгелија се Радио Тајм ФМ и Телевизија Нова од Гевгелија како и информативниот портал Дрнка.МК
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
