Само 14 земјоделци на возраст до 40 години од Југоистокот добија финасиска поддршка од државата до 20 илјади евра од Мерката 113 ,, Поддршка за поттикнување на земјоделско стопанство’’ информираа од Агенцијата за финансиска поддршка во земјоделството и руралниот развој. Станува збор за неповратни средства кои се наменети за поттикнување на земјоделското произвдство на сите млади земјоделци до 40 годишна возраст.
На ниво на држава како што е познато 265 апликанти кои конкурирале за неповратна помош, добиваат финансиска поддршка во вкупна вредност од 190 милиони денари или 3,1 милион евра.
,,Од овие 265 одобрени апликации, 14 се во југоисточниот регион. Што значи близу 280 илјади евра, ќе бидат инвестирани во агро секторот во овој дел од државата. Апликантите од овој регион имаат предлог инвестиции за набавка на машини за сушење на овошје, подигање современи пластеници за одгледување на цвеќе, набавка на линија за производство на сокови, набавка на опрема за млекарство и за пчеларство,, информираа од АФПЗРР
Според доставените информации од ова Агенција, финансиска поддршка за млад земјоделец добиле фармери од 7 општини од Југоистокот и тоа:
Конче – 2
Радовиш – 3
Босилово – 2
Ново Село – 2
Валандово – 2
Богданци – 1
Гевгелија – 2
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
