Радовишанец физички нападнал полицајци при обид да биде задржан во станица, откако прекршил полициски час

2352

Синоќа 47 годишен радовишанец физички нападнал полициски службеници при обид да биде задржан во просториите на Полициската станица во Радовиш откако го прекршил полицискиот час, соопшти МВР. Како што е наведено во соопштението настанот се случил во 23 часот и 30 минути. Лицето најпрво сторило кривично дело по член 206 од Кривичниот законик и при обид да биде задржан во просториите на радовишката полиција тој физички ги нападнал полициските службеници

,,На 16.04.2020 во 23.30 часот во Полициска станица Радовиш, Т.К.(47) од Радовиш, кој претходно бил лишен од слобода поради сторено кривично делопо чл.206 од Кривичниот законик, при обид да биде задржан во просториите на Полициската станица, физички ги нападнал полициските службеници. По целосно документирање на случајот, против него ќе бидат поднесени соодветни поднесоци,, стои во информацијата од МВР

Во текот на изминатото деноноќие според статистиката на МВР за периодот 16/17.04.2020, по однос на забраната за движење,евидентирано е дека на ниво на целата држава  83 лица не ја почитувале забраната за движење, при што приведени се 56 лица, а за останатите се земени податоци и ќе следуваат соодветни мерки.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.