Кажи зошто ме остави, Чија си, Си заљубив едно моме, Километри, Не плачи мило либе, се дел од песните од проектот ,, Дом, Патување, Љубов’’ на Васил Гарванлиев кој и официјално го промовираше вечерва на својот јутјуб канал. Станува збор за проект во кој Васил Гарванлиев прави компилација и интерпретира повеќе македонски песни на нему својствен начин истакнувајки го својот вокал, во придуржба на гитаристот од бендот ,,Јупитер’’ Горан Алич. Целиот проект се снимаше на сцената во Домот на културата во Струмица. Таму во присуство на одбрана публика облечени во црно бела комбинација во живо се интерпретираа македонски евергирни и изворни песни од последните 60 години .
,, Дом, Патување, и Љубов се трите столба и нишката помеѓу нив што ги врзува се убавите спомени и не потсетува од каде сме, каде живееме, за што се бориме и кон што се стремиме истовремено. Со проектот допирам до нашите корени за да потсетам, споделам, и ја едуцирам глобалната публика за нас и нашето богатство,, изјави пред десетина дена за Дрнка.МК Васил Гарвналиев
Еве како звучи проектот ,,Дом, Патување, Љубов’’ на Васил Гарванлиев во придружба на Горан Алич…..
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
