Струмичката полиција соопшти дека денеска во два одделни случаи во домови на двајца жители од населеното место Нова Маала општина Василево била пронајдени три килограми марихуана. Лицата биле приведени и против нив како што стои во соопштението од СВР Струмица ќе бидат поднесени соодветни пријави
,,Денеска (16.12.2021) во 13.30 часот, полициски службеници од СВР Струмица го лишиле од слобода И.А.(34) од с.Нова Маала, струмичко. При претрес во неговиот дом, извршен со судска наредба, била пронајдена и одземена марихуана. Тој бил приведен во полициска станица. Исто така, на 16.12.2021 во периодот од 13 до 14 часот, по добиена судска наредба, извршен е претрес во дом и помошни простории на Џ.А. (21) од с. Нова маала при што е пронајдена марихуана. Лицето е лишено од слобода. При претресите се пронајдени околу три килограми марихуана, а по документирање на случаите ќе бидат поднесени соодветни пријави,, стои во информацијата на МВР
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
