Мирсат кој повеќе од 40 години беше во Заводот за заштита и рехабилитација на лица со телесна попреченост Бања Банско кај Струмица а Васка повеќе од 30 години, од денес се преселија да живеат во стамбен објект во населеното место Добрejци. Со процесот на деинституционализација им се исполни нивната желба да имат свој дом. Тие добија адаптирана и комплетно опремена куќа во селото Добрејци
,, На Мирсат и Васка не само што им обезбедивме нивен дом туку ќе им биде пружена поддршка од негуватели. Преку Центарот за социјални работи ако има потреба ќе бидат обезбедена персонална асистенција. Силно инвестираме во општината да развијат услуги на локално ниво за овие лица,, рече дополнителната заменик министерка за труд и социјална политика Санела Шкријељ
Општина Струмица го поддржува процесот на деинституционализација и како што кажа градоначалникот Коста Јаневски, општината секогаш ќе им стои на располагање на овие сограѓани за било каква помош.
,, Мислам дека со овој чин се отвараат нови перспективи за лицата кои досега беа сместени во институција. Она што го слушнав од Мирсат и од Васка, дека ова е остварување на нивниот сон, доволно говори,, подвлече градоначалникот Јаневски
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
