Почнаа да се градат вело патеките во Струмица, градоначалникот објави на кои булевари и улици ќе има

941

Почна изградбата на најавените вело патеки во Струмица во рамките на проектот ,, Струмица паметен вело град’’ финансиран од програмaта ,,ЕУ за општините“. Механизација на фирмата Жикол почна да ја обележува трасата и расчистува теренот за да ги гради двонасочните асфалтни патеки почнувајки од спортската сала, преку градскиот парк до булеварот Ленинова во должина од 700 метри.

Како што кажа градоначалникот Костадин Костадинов, во наредниот период ќе се градат вело патеки  и на булеварот Ленинова од двете страни во должина од 2,5 километри, на булеварот Маршал Тито 780 метри, Климент Охридски од околу 3 километри.Се планира да има вело патеки и на десетина други улици како што се:  Братство и Едиснтво од 600 метри, 24 октомври од 310 метри, на старата чаришија од 700 метри но и на улиците Ѓуро Салај, Сандо Масев, Гоце Делчев, Балакнска но и улиците 4 и 5 во градскиот парк.

,, Проектот го започнуваме во рамките на Европската недела на мобилност. Урбаната мобилност со велосипед има огромен потенција во Струмица бидејки најголем дел од патувањата се на блиски растојанија а поголем дел од градот е на рамен терен. Велосипедот е транспрот погоден за климата, здравјето семејниот буџцет. Префрлувањето само дел од дневните патувања од автомбил на велосипед, ќе резултира со намалено загадување, бучава намален, сообраќаен метеж., кажа Костадинов кој побара разбирање од граѓаните и учесниците од сообраќајот разбирање кога ќе спроведуваат градежните активности.

Градењето на вело патеките ќе чини околу 300 илјади евра. Истите ќе бидат и со вертикална хоризонтлна сигнализација. Патеките ќе зафатат дел од тротоарите а на одредени позиции и дел од улиците.   Целиот проект ,,Струмица паметен вело град,, чини 750 илајди евра во чии рамки е предвидено и реализација на низа активности кои треба да ја подигнат свеста за поголемо користење на велосипедот. Се предвидува и набавка на опрема за воспоставување паметен систем за самоизнајмување на велосипеди од една до друга дестинација во градот.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.