Организаторите го објавија редоследот на изведувачите кои ќе настапат на Get EXITed забавата во Струмица која како и минатата година ќе биде во големиот Градски парк на локацијата меѓу спортската сала и фудбалскиот терен на вештачка трева. Влезот за овој настан е бесплатен додека оние што сакаат најголемите светски и регионални ѕвезди сакаат да ги чујат и доживеат на највисоко ниво, достапни се ВИП влезниците по цена од 3.100 денари.
Најголемата забава за испраќање на летната сезона на настани во организација на тимот на ЕГЗИТ почнува во 19 часот. Публиката во 20:00 часот ќе ја пречека локалниот Џамбо Агушеви Оркестар, еден од најдобрите трубачки ансамбли на Балканот, додека во 21:00 на бината ќе застане омилената регионална уметница Констракта со својот бенд „Земља Грува“!
Гитарскиот звук од 22:30 ќе го донесат рок легендите, групата Ван Гог, по која ќе следува исчекуваниот, специјален хибриден настап на светската поп и соул сензација Џон Њуман, кој почнува во 23:50 и ќе трае до 01:05. После овој термин публиката ќе ја разигра глобалниот хитмејкер, продуцент и диџеј Бурак Јетер, додека за завршницата на втората по ред Get EXITed журка ќе биде задолжена силната женска поддршка од светот на електронската музика – младата продуцентка и диџејка Lanna од 02:30 и одличните The Geors од 03:30!
Распоред на програмата:
19:00 Отворање на влез
20:00 Džambo Aguševi Orchestra
21:00 Konstrakta
22:30 Van Gogh
23:50 John Newman
01:05 Burak Yeter
02:30 Lanna
03:30 The Geors
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
