Пожарот на Готен сеуште активен, се бара интервенција и од Армијата за локализирање на огнот кој се шири

1404

Пожарот на планината Готен кај Радовиш меѓу селата Покрајчево и Злеово и понатаму е активен и се шири кон шумскиот предел на општина Василево. Општинските власти на Радовиш бараат вклучување на Армијата но и нова интервенција од воздух со воздухопловите на Дирекцијата за заштита и спасување.

Центарот за управување со кризи потврди дека доставени се барања од кризниот штаб од Радовиш за ангажирање на војници но и повторно ангажирање на авионите Ер трактори за локализирање на пожарот кој веќе единаесет дена контуинирано гори на планината Готен кој се прошири на повќе локации

,,Доставени се барања до Армијата и ДЗС за ангажирање на воздухоплови а на терен интервенираат 30 лица од ШС Плачковица – Радовиш и 8 пожарникари од ТППЕ Радовиш. Во интервенцијата  се вклучени и лица од шумските стопанства од соседните општини,, информираа од ЦУК

Заради непристапниот терен изминатиов период освен прирачно на овој пожар интервенираа во неколку наврати авионите на Дирекцијата а вчера се гаснеше и со хеликоптер на АРМ. Според информациите повеќе од 200 хектари нискостеблеста шума се изгорени

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.