Втора година по ред на предлог на членовите на независниот синдикат на полицијата при СВР Струмица а во соработка со општините Василево, Босилово и Ново Село прогласени се најдобрите полицајци во овие општините.
За општина Василево за најдобар полицаец е прогласен Панче Партиков од Едрениково кој од општина Василево доби плакета
,, На Партиков, му посакав наградата да му биде дополнителна мотивација за континуитет во залагањата за уште поуспешно спроведување на неговите секојдневни обврски во насока на подобрување на безбедноста на општина Василево и неговата работа да биде стимул и за останатите негови колеги полицајци од општина Василево, кои заедно се одговорни за безбедноста на сите граѓани“, објави градоначалникот Андонов
Во Општина Босилово за најдобар полицаец е избран Кирил Назов од Радово.
,,Верувам дека ваквото признание ќе биде дополнителна мотивација за уште поуспешна работа во иднина, а со цел подобрување на безбедноста на граѓаните на општина Босилово и верувам дека неговата работа, како досега, а уште повеќе од сега понатаму, ќе биде пример и стимул и за останатите негови колеги полицајци од нашата општина и пошироко“, напиша на ФБ Ристо Манчев
За најдобар полицаец во 2023 година на територијата на Општина Ново Село на предлог од членовите на Независниот синдикат на полицијата е избран Стојан Николов од Ново Село
,,Со потпишувањето на меморандумот за соработка со НСП, општината секоја година дава поддршка и се заблагодарува на професионалците кои се грижат, сите ние слободно и безбедно да ги обавуваме дневните обврски“, објави граодначалникот на Ново Село Ѓорге Божинов
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
