Инвестицијата од Брера Холдинг ќе биде корисна за сите оти внесуваме нешто ново во мак фудбалот, вели Горан Пандев нагласувајки дека останува прв човек на ФК Академија Пандев Брера Струмица откако италијанско-американската компанија купи 90 одст од акциите на клубот.
„ Од оваа сезона почнува една нова мисија, нов проект кој ќе биде добар не само за струмичкиот фудбал, туку и за македонскиот фудбал. Влегуваат нови луѓе, со нови идеи. Овој проект својот бенифит ќе го даде по 2-3 години, со макотрпна работа, со стручен штаб од Италија, ќе внесеме нешто ново во македонскиот фудбал. Оваа инвестиција која ја прават луѓето од Италија и Америка ќе биде корисна за сите. Ние треба сите макотрпно да работиме, за да им покажеме на луѓето од Америка дека и тука може да се работи професионално. Идејата е нашата младинска школа да се врати како што беше мојата замисла. Со помошта на новите сопственици, младинскиот погон ќе добие поголемо значење. Со нови тренери, силни турнири во Италија и САД, инфраструктура, младинците ќе имаат бенефит. Првиот тим нема да биде запоставен, ама фокусот е да ја подигнеме младинската школа. Желбата е со младите да станеме шампиони, така би се извадиле што повеќе играчи за првиот тим. Овој проект ќе даде бенефит за неколку години“,“, вели Горан Пандев.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
