Фудбалерите на Академија Пандев забележаа победа против Струга Трим Љум во рамките на 24 првенствено коло и со новите три бода излегуваат од опасната зона во која се наоѓаше. Кристијан Велиновски беше фудбалерот кој ја затресе мрежата на ,,тврдата’’ Струга која во Струмица во ниту еден момент не се предаде. Велиновски сам ја реши одбраната на гостите и успеа д аго матира чуварот на мрежата на стружани кои во последните 10 минути имаа играч повеќе на теренот заради исклучениот Коста Манев заради два жолти картони
Струмичани нападнаа уште во првото полувреме и го притиснаа струшкито состав кој мораше да се повлече на својата половина. Во 29 минута Кристијан Велиновски сам се проби во казнетиот простор на гостите каде добро се ослободи од одбрамбените играчи и ја смести топката во голот на Мирселоски
Стружани како да се разбудија по примениот гол но не изградија шанса за израмнување во првото полувреме. Активни беа и во вторите 45 минути но Марко Јовановски немаше некоја потешка задача. По исклучувањето на Манев Струга Трим Љум целосно се префрли пред 16 тникот на пандевци кои мудро го сочуваа водството за нови три бода. Со 8 победи и 4 нерешени исхода и 12 пораза сега имаат вкупно 28 бода идентично како Пелистер кој утре му гостува на Борец
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
