Општина Радовиш ги избра најдобрите спортисти и спортски работници за минатата година кои со своите успеси и постигнати резултати ја промовираа општината како на домашен така и на меѓународен план. Изборот го изврши соодветна комисија согласно критериумите за избор откако клубовите номинираа свои преставници врз основа на постигнатите резултати во 2022 година. На присутните спортисти и спортски работници им се обрати првиот човек на Радовиш Ацо Ристов кој кажа дека општината и во иднина ќе го помага спортот.
За спортист на Радовиш е избран кикбоксерот Митко Ашкилов од МТК „Комбат“ кој лани во декември во силна конкуренција го освои Балканскиот КУП . Беше сребрен на Балканското првенство. Во Ниш Србија доби титула најдобар „fighter“, на турнирот Трофеј Белград го освои третото место а во Краљево прво
За најдобра спортска екипа на Општина Радовиш за 2022 година беше прогласен составот на ,,Детонит Плачковица“ кои имаат шанси да донесат прволигашки фудбал во Радовиш а во женска конкуренција средношколската кошаркарска екипа на ООУ,, Крсте Петков Мисирков.
За тренер на Општина Радовиш за 2022 е прогласен Горан Атанасов од боречкиот клуб ,,Бучим – Радовиш“ од кој признание доби и Димитар Јованов за спортски работник
Во младинските конкуренции наградите за спортисти ги понесоа Мери Васева од ЖФК ,,Плачковица“ и Илија Атанасов од БК Бучим Радовиш и двајцата како кадети
Плакети за посебно спортско достигнување на Мелани Младеновска, Стефан Димитров и Александар Стојанов од Боречкиот клуб „БУЧИМ – РАДОВИШ“, на Стефан Ангелов и Давид Димов од Велосипедскиот клуб „Бел Камен Бајкс“, на Стрелачки клуб „БУЧИМ“, на Васе Здравков од СРРК „КРАП“ и на Мирко Василев од Муаи Таи клуб „Адреналин“.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
