Во тек е обновата на детската урбана опрема на детското игралиште што се наоѓа кај Новиот пазар во Гевгелија. На овој парк, старата опрема ќе биде заменета со современи играчки за деца. Исто така, ќе бидат поставени нови клупи за одмор и рекреација, корпи за отпадоци, ново осветлување, ќе се обноват тревните површини и ќе се постави и фонтана со вода за пиење а кош таблите од кошевите ќе бидат заменети со нови, објави општина Гевгелија на својата веб страната
Според информациите објавени од страна на општинските власти, акцијата за обнова на старата урбана опрема за деца на детските игралишта ќе продолжи на неколку локации во градот и во населените места. За таа цел општината по распишаниот тендер и избра најповолен изведувач за поставување на урбана опрема во детските игралишта, а тоа е фирмата „Мса Компани’’ од Скопје. Според тендерот, на детските катчиња ќе бидат поставени лулашки, клацкалки со 2 седишта, ротациона играчка, а предвидени се и детски катчиња со метални платформи, 2 лизгалки, спирална лизгалка и вештачка трева. Договорот за набавка на детска опрема во Гевгелија со ова скопска фирма изнесува 13 илјади 143 евра.
Уредувањето со клупи, корпи за отпадоци, осветлувањето и поставувањето на фонтани за вода ќе го врши ЈПКД „Комуналец“- Гевгелија.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
