ОК Струмица и ОК Струмица Жени потпишаа Договор за соработка за развој на одбојката и поголеми резултати

2026

Струмичкиот одбојкарски прволигаш кој од следната сезона ќе настапува под името ОК Струмица 47/72 и најмладиот женски прволигаш ОК Струмица Жени потпишаа Договор за спортска соработка со кои заеднички ќе работат на омасовување, постојан развој и афирмација на одбојката не само во Струмица туку и во Македонија и во меѓународни рамки. Договорот кој го потпишаа претседателите на ОК Струмица и ОК Струмица Жени ќе значи заедничко користење на опремата, терените и реквизитите, реализација на заеднички проекти од областа на спортот, размена на искуства идеи и предлози но и размена на стручни кадри

,, Со овој Договор се овозможува заеднички настап на ОК Струмица 47/72 и ОК Струмица жени пред спортските асоцијации, општинските и државните органи но и пред бизнис секторот се со цел обезбедуање на услови за развој на клубовите и афирмација на одбојката во женска и машка конкуренција. Овој договор нуди рамка и можности за меѓусебно помагање, планирање и креирање спортски политики и превземање на активности за остварување на програмските цели и задачи,, кажа претседателот на ОК Струмица 47/72 Владо Милев

Струмица како град на одбојката и докажан одбојкарски бренд со многу шампионски титули и одбојкарски репрезентативци треба да биде чекор напред во поглед спортската соработка со цел што поскоро да се освои Шампионска титула и во женска конкуренција, кажа Јасмина Пандева претседателката на ОК Струмица Жени

,, Со договорот ќе се обидеме квантитетот што го имаме во женска конкуреција да го претвориме во квалитет. И ова спротска соработка треба да биде потстрек и за други спортски здруженија бидејки заедно сме посилни. Сметам дека со Договорот двата клуба ќе добијат на квалитет но и остварување на подобри резултати,, рече Пандева

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.