Фудбалерите на Беласица ги почнаа подготовките за пролетниот дел од источното второлигашкото првенство во кој ќе атакува на лидерската позиција за да се врати во Првата лига. Синобелите тренажниот процес ќе го реализираат во Струмица иако не се исклучува можноста да заминат на подготовки и во некој од туристичките центри во земјава. Според Александар Стојанов веќе се договорени и неколку контролни средби преку кои ќе се темпира формата за стартот на дуелите од Втората лига исток закажан на 19 февруари.
,,Првите десет дена сме овде во Струмица каде ќе ги одработиме основните подготовки. Се разгледуваат одредени опции да се замине и во некој од туристичктие центри во земјава но и да останеме овде ги имаме сите услови за квалитетни подготовки. Веќе се договорени неколку пријателски и тоа со Академија Пандев на 18 ти јануари а во вторито дел од подготвителниот период ќе одиграме контролни средби со Победа од Прилеп, Кожув од Гевгелија и Вардар од Скопје,, вели Стојанов
Според него најголемиот дел од играчкиот состав останува од есенската полуетапа но не се исклучува можноста да се освежи тимот за пролетниот дел. Како што подвлече стратегот Стојанов станува збор за млади играчи кои веќе стекнаа искуство во првиот тим и ќе се обидат да направат изненадувања за да Беласица се врати во елитата
,, Според мене четири екипи ќе водат битка за првото место кое носи директно учество во Првата лига. Бодовната разлика е мала и до самиот крај ќе се води мртва трка. Освен Беласица тука се лидерот Слога Виница, прилепска Победа и Саса од Македонска каменица. Ќе дадеме се од нас да се пробиеме на врвот или првите две позиции. Јас сум тренер кој не се откажува а таков ни е и играчкиот состав. Несакам предвреме да правам притисок со оглед на младоста на составот, но едно е јасно не се откажуваме,, вели Стојанов
Беласица по есенскиот дел на првенството е на четвртата позиција со вкупно 28 бода, 4 помалку од Победа и Слога и 3 од Саса.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
