Поради амбициите на раководството за платени, политички функции во општинските совети, Здрава котлина и овој пат пропушти прилика и брзоплето и неодговорно ја одбија нашата покана за работната средба. Нам ни испорачаа уште една нервозна реакција полнa со деструктивна енергија, гнев и омраза.
Јасно е дека тие самостојно одлучија активно да учествуваат во овие локални избори како легитимни политички партиципиенти во политички изборен процес. Така во овој предизборен период од кампања, тие имаат можности но и обврска пред гласачите за јавни медиумски соочувања, дуели и дебати со други политички опоненти од изборниот процес.
Токму затоа во Отвореното писмо ние ја повторивме нашата перманентна покана за конструктивна „работна средба“ помеѓу деловен субјект и граѓанско здружение. Единствено ваков формат на работна средба е во вистинската насока за практично реализирање на базичните принципи и заложби на „Архуската конвенција“ за засилена улога на граѓаните и граѓанските здруженија од областа на заштита на човековата средина, широка инклузивност и транспарентност преку партнерски дијалог и цивилизирани форми на партиципативната демократија!
Еуромакс ресоурцес
(спознорирана објава)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
