Попладнево околу 17 часот Струмица ја зафати силно невреме проследено со пороен дожд и силен ветар. Неколку улици во градот меѓу кои булеварот „Маршал Тито“ и улицата „Младинска“ за кусо време се поплавија. Вода влезе и во подземната гаража на струмичкиот плоштад. На теран излегоа екипи на ЈП Комуналец од Струмица за да се нормализира состојбата.
,,Веднаш по завршувањето на невремето екипи од ЈПКД „ Комуналец „ излегоа на терен да помогнат на најкритичните места се со цел да се нормализира состојбата што е можно поскоро,, објави струмички Комуналец на ФБ
Силниот ветар успеа да испокрши неколку дрва во градот. На улицата Атанас Нивичански во Струмица според објавени фотографии неколку гранки паднале врз паркирани возила во семејни дворови. Како што дознаваме нема штети врз возилата.
ТППЕ од Струмица информира дека на браната Водоча во викендица удрило гром, но повредени нема. Се запалил креветот во викендицата кој го изгаснале околните викендаши на браната.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
