Наковски Волеј останува лидер во женската одбојка, победи и на Струмица Жени и Виктори Волеј

1619

Викендов се одиграа натпреварите од петото првенствено коло од Првата женска одбојкарска лига во кое екипите на Наковски, Струмица Жени и Виктори забележаа победа а тимот на Македонија Макс претрпе пораз.

Лидерот Наковски Волеј за неполн час славеше против Бами Кор од Тетово со 3:0 при што на гостинките им препуштија само 37 поени. Ова е петта победа на избраничките на тренерскиот тандем Митев и Наковски и со вкупно 15 бода се на првото место во прволигашкото друштво

Максимална победа забележа и Струмица Жени која во салата Парк против тимот на Унивезритет Тетово ( 25:20, 25:17, 25:14). За новајлијата ова е  трета победа во првенството но имаат и натпревар помалку и со вкупно 8 бода се на 6 тата позиција

Највозбудливо беше во салата Партизан каде Виктори Волеј забележа победа со 3:2 во сетови против тимот на УГД Студент од Штип ( 25:18, 16:25, 25:16, 20:25, 16:14). Струмичанки можеа да забележат победа и од 3:1 во сетови но во финишот од 4 сет направија неколку грешки кои ги искористи УГД за бод од гостувањето во Струмица. Виктори Волеј има вкупно 9 бода и се на петото место

Македонија Макс го претрпе и четвртиот последователен пораз откако на гостувањето кај Јанта во Скопје загубија со 3:0.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.