Во рамките на акција за генерално чистење на Струмица, екипи на ЈПКД Комуналец од населбите Карпош и Чифлик собраа над 12 трактори кабаст отпад кои граѓаните од овој дел на градот го пријавија до комуналното на телефонскиот број 13 110 како и отпадот што го собраа со чистењето на улиците од овој дел на Струмица.
Струмичани пред своите домови со оглед на најавената акција изнесоа нефункционална покуќнина, разновидни предмети од дрво и текстил, остатоци од дрвја, гранки кои екипите на струмичкото комунално претпријатие ги собраа а паралелно ги чистеа улиците и тротоарите од израсната трева.
Како што не информираше Бранко Ѓеоргиев раководител на „Чистота“ на ЈП Комуналец во акцијата се вклучени 30 работници, четири трактори и еден камион кои ги чистаат улици и го собираат оставениот кабаст отпад пред домовите на струмичани а вклучени се и две машини за метење на улиците и цистерна која претпладнево ги миеше.
Акцијата ќе продолжи и во наредните недели во месец јуни и реонски ќе биде опфатен целиот град при што од ЈП Комуналец апелираа до граѓаните за поголема соработка преку телефонскиот број 13 110.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
