Под мотото ,,Размислувај глобално, делувај локално,, волонтери од Црвен Крст од Валандово реализираа еко акција за собирање на расфрланото ѓубре од несовесни жители над градот. Младите исчистија неколку купишта ѓубре од разновиден отпад оставен покрај стариот пат од Валандово кон Пирава . Собрани беа повеќе вреќи со хартија, пластика, испокршена стаклена амбалажа а на мини депониите покрај стариот пат се оставал градежен шут, стара облека и испокршена покуќнина.
,,Како волонтери кои што се грижиме за здравјето на граѓаните,се одлучивме за ова еко акција. Основната цел на ова акција е подигнување на јавната свест кај граѓаните за значењето од примарната селекција на отпадот и рециклирање. Здравата животна средина е важна за сите. Секојдневно гледаме отпад насекаде не само во нашата околина туку и на глобално ниво што е една од причините за еколошките катастрофи и климатски промени,, кажаа волонтерите од Црвениот Крст од Валандово
Тие апелираа до сите млади не само од ова општина туку од целиот регион да се вклучат во чистењето на отпадот од околината во која што живеат, бидејки само со здрава животна средина може да се градат здрави генерации.
фото Радио Валандово
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
