Министерот Бочварски и градоначалникот Костадинов најавија реконструкција на улицата 23 Октомври во Струмица

293

,,Струмица е пример за одличната соработка помеѓу централната и локалната власт, каде работиме на значајни проекти за подобрување на патната и комуналната инфраструктура. Овде во Градско Балдовци работиме на изградба на фекален и атмосферски канализационен систем во должина од преку 10 километри и инвестиција во висина од преку 85 милиони денари. Во завршна фаза е реконструкција на локалната улица Братство Единство, а сакам да најавам уште еден значаен проект за Струмичани, а тоа е реконструкцијата на улицата 23 Октомври, проект кој исто така ќе се реализира преку Министерството за транспорт и врски во соработка со општината и каде градежните работи очекувам да започнат ова лето,” изјави министерот Бочварски кој беше во посета на Струмица

Градоначалникот Костадин Костадинов потенцираше дека со капиталните инвестиции во општината, Струмица станува економски центар во државата. И тој подвлече дека ќе се реконстурира улица 23 Октомври .

„Реализираме уште еден огромен капитален проект, мое предизборно ветување. Улица „23 Октомври“ која ќе го поврзе едниот со другиот крај на градот долж новата зона кај Касарната во којашто живеат и функционираат неколку илјади наши граѓанки и граѓани со што го растеретуваме сообраќајниот метеж во централното градско подрачје. Му благодарам на еден од најголемите пријатели на Струмица, министерот Благој Бочварски и министерството за транспорт и врски, за соработката и поддршката,” изјави Костадин Костадинов, градоначалник на општина Струмица.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.

ПОВРЗАНИ СТАТИИПОВЕЌЕ ОД АВТОРОТ