Македонската одбојкарска репрезентација не успеа да ја забележи и третата победа во Групата А од Евро сребрената лига. Слекцијата на Данска славеше со 3:0 во сетови (21-25, 23-25, 24-26) и е на чекор до завршниот Ф4-турнир во Сребрената европска лига идниот месец во Струмица иако има уште еден турнир на кој се домаќини.
Данска со одличниот сервис имаше контрола во текот на сите три сета против Македонија која потфрли на приемот и не одиграа на посакуваното ниво. По првите мечеви Данска со максимален учинок е прва додека Македонија кој има загарантиран настап на завршницата е втора
Следниот викенд се игра вториот турнир од групата А. Сите четири селекции од Струмица се селат во Шлагелсе, Данска, каде од 28 до 30 мај ќе следуваат вториот круг мечеви за пласман на турнирот во Струмица кога ќе се поделат и медалите
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
