До крајот на месецов Советот на општина Валандово треба да ја донесе одлуката за ослободување на родителите од партиципација во детските градинки а ќе важи од месец февруари. Вака ни изјави градоначалникот на Валандово – Перо Костадинов откако вчера објави дека ја отпочнуваат постапката за целосно укинување на партиципацијата за згрижување на децата во градинките на територијата на Општина Валандово а средствата за ова мерка ќе бидат платени од Буџетот на општината.
Како што соопшти градоначалникот Костадинов за ова мерка доколку помине кај советниците во Советот на општината, од Буџетот на општината се очекува да бидат издвоени околу 3 милиони денари, односно да биде покриена партиципацијата за сите деца кои месечно ќе се згрижуваат во двете градинки во Валандово и Јосифово.
,,На овој чекор се одлучивме заради економската и енергетска криза со која се соочуваме односно да ја зајакнеме солидарноста во заедницата,, изјави Костадинов кој очекува дека со ова мерка ќе се зголеми и бројот на новозапишани деца во градинките ова година .
Во двете градинки во општината , ЈОУДГ ,,Калинка” и ЈОУДГ ,,Детелинка” во Јосифово во моментов се згрижени околу 270 деца но ова бројка од месец во месец се променува.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
