Комисијата за заразни болести предлага полицискиот час да трае од сабота во 19 часот до вторник во 5 часот заради продолжениот викенд за празниците Рамазан Бајрам и Свети Кирил и Методиј. Конечната одлука треба да ја донесе Владата која треба да се изјасни дали ќе има продолжен полициски час од 58 часа. Министерот за здравство Венко Филипче овој предлог го објасни поради непочитување на мерките да нема собири и групирања.
,,Проценките се дека најголем процент од новите случаи на ковид-19 во изминатите денови се од приватни и семејни собири. Поради непочитувањето на мерките, проценките се дека само вакви ригорозни чекори може да дадат ефект. За сите други рестрикции, како што е отворањето на угостителските објекти или укинување на полицискиот час, Владата ќе одлучува следната седмица,, рече Филипче.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
