Синоќа владеачката СДСМ на конгрес ги промовираше листите за претстојните парламентарни избори. Југоистокот со 10 те општини се наоѓаат во четвртата изборна единица, за која носител на листата за пратеници ќе биде Венко Филипче – поранешен министер за здравство а коносител ќе биде Јованка Тренчовска досегашната министерка за труд и социјална политика.
Според листите што ги објави ТВ 24, за четвртата изборна единица, после Филипче и Тренчовска, на третото место на листата за пратеници на коалицијата на СДСМ е Миле Талевски од Прилеп, на четвртото место Соња Мираковска од НСДП на Тито Петковски. На петото место е Борче Цветков прв човек на струмичките социјалдеморкати. Тој на својата ФБ страна објави дека се наоѓа на петото место додека на шестото е актуелната пратеничка од Кавадарци Даниела Колева.
Седмата позиција е резервирана за кандидат на СДСМ од Гевгелија, на осмата е Лолита Ристова од Неготино додека 9 тото е резервирано за ЛДП од Гевгелија или Богданци. На 10 место е Симона Цветаноски од Радовиш, 11 е Теодора Каракашева од Дојран а 12 ти Трајче Милков од Босилово. Потоа следуваат кандидати од општинските организации на СДСМ од Прилеп, Демир Капија, Кривогаштани,Новаци, Росоман, Конче, Кавадарци.
СДСМ на синоќешниот конгрес ја објави и изборната програма со која ќе настапи на следните парламентарни избори.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
