Христијан – Кико Божинов со момците од Болеро Бенд го промовираа својот нов сингл заедно со видео спот насловен како ,,Десет срца”. Песната со спотот го објавија на социјалните мрежи и на Youtube каналот што наиде на поздравување кај нивните фанови со оглед на паузата што ја имаа во поглед нови песни.
Музиката е на Кико и Никола Радев кои се јавуваат и како автори на текстот во кој преовладуваат стихови за невозвратена љубов а аранжаманот е на Кико и Фимчо. Спотот како што информираа бил сниман во напуштен објект во Охрид во кој статисти се сите членови на Болеро Бенд.
,,За десетина дена ќе бидат промовирани нови три спота а оваа недела ќе објавиме и неколку ковери на хитовски песни за нашата публика. Идниот месец заминуваме во Швајцарија каде ќе имаме концерт а во првата декада од декември неколку настапи во Германија по што заминуваме на турнеја во Австралија каде ќе имаме настапи меѓу нашинците” ни изјави Христијан Кико Божинов
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
