Иако најавија дека од денес ќе биде отворен, грците забранија влез на патници преку Евзони до 15 јули

1629

Грчките погранични службеници не го отворија копнениот граничен премин ,,Евзони,, за влез на патници  на нивна територија иако беше најавено дека од денеска ќе биде подигната рампата за влез бјави ТВ Нова од Гевгелија на својата ФБ страна. Како што пренесува ова телевизија за одлуката нема службено образложение за причините. Веста дека грците не дозволуваат проток на патници преку Евзони им ја потврдила и командирката на ГП Богородица од македонска страна – Јасмина Аврамска

Забраната за влез на патници преку Евзони на грчка територија како што соопштиле грчките погранични служби ќе трае до 15 јули а сите оние што ќе сакат да влезат во Грција тоа може да го направат преку граничните премини преку Бугарија а за транзитниот товарен сообраќај нема пречки.

Портпаролот на грчката Влада Стелиос Пецас на завчерашниот брифинг со новинарите најави дека од 1 јули  ќе отвори седум гранични премини на копнените граници со Македонија, Албанија, Бугарија, Турција.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.