За ублажување на последиците од природни катастрофи потребен е ангажман од сите институции

1011
Презентирани резултатите од реализацијата на прекуграничниот проект ,, Заеднички мерки за спречување и намалување на последиците од катастрофи во општините Сандански и Радовиш’’ што го имплементираше Центарот за развој на Југоисточниот плански регион во соработка со овие две општини. Целта на проектот е да се подигне свеста кај сите чинители во заедниците за последиците од климатските промени и поголем нивен ангажман за изградба на зелени инфраструктури со цел да се намали ризикот од поплави во прекуграничниот регион.
На денешната завршна конференција Марија Бандулова ги презентираше сите активности од проектот што се реализираше во изминативе две години. Беше кажано дека се спроведе кампања за настаните и резултатите од нив, беше изработен Водич ,, Збирка на добри практики за борба против последиците од климатски промени во заедниците’’, дека се организирале тркалезни маси со цел ублажување на последиците од климатски промени но и отворени работилници со зелени активности.
На македонска страна со овој проект се уреди дел од коритото на река ,,Сушица’’ во Радовиш и ,, Бистрица’’ во Сандански Бугарија, две реки кои при секои обилни врнежи од дожд се излеваа и предизвикуваа поплави и матријални штети.
,,Она што треба ние да го направиме е да спречиме да дојде до такви штети. Затоа треба тука да бидат сите вклучени. Сите државни институции вклучувајќи ги и македонски шуми, општините па дури и невладините организации кои ќе придонесат код подигање на јавната свест кај луѓето се со цел и да ја заштитиме природата, а со тоа и да го направиме и нашиот живот подобар и поквалитетен.,, вели Жулиета Ѓуркова – директор на Центар за развој на ЈИ регион.

Целиот проект ченеше околу  587 илјади евра од кои ЕУ обезбеди околу 336 а општина Радовиш 190 илјади. Во истиот имаше и кофинансирање од државата во висина од 60 илјади евра.

За целиот проект повеќе може да видите ТУКА

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.