Три лица од Струмица на возраст од 50, 67, и 70 години починале од компликации предизвикани од ковид-19 во последните 24 часа, стои во дневната ковид статистика на здравствените власти во земјава. Со последните три смртни случаи бројката на починати во струмичко се зголеми на 151 лице од почетокот на пандемијата од кои дури 14 за последните пет дена. Заклучно со 4 април, во Струмица и регионот се воделе 137 починати стои во извештајот на Институт за јавно здравје
Во Струмица и регионот во изминативе 24 часа регистрирани се нови 53 позитивни на вирусот со што бројката на активни случаи се зголеми на 512 лица, што за за 100 нови лица за разлика од пред пет дена кога се воделе 412. За последните 24 часа евидентирани се 16 оздравени лица.
Во струмичкaта болница како што соопшти директорката Катерина Кузмановска има околу 90 ковид пациенти на дневна болница кои се лекуваат. Здравствените работници и понатаму апелираат да се избегнуваат групирања, да се носат заштитни маски, да се одржува дистанца и редовно миење на рацете. На тој начин ќе се овозможи да се намали интензитетот на ширење на вирусот
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
