Од 12 до 17 ти јуни во хотел Истатов во Дојран ќе се одржи одбојкарски камп за кој задолжена е Елена Пандева од Струмица која зад себе има богато интернационално одбојкарско искуство а ги бранеше и боите на Македонија.
„Главната мотивација е мојата љубов кон спорот и желбата да го пренесам моето интернационално искуство на помладите генерации. Сакам да создадам место каде што децата ќе можат професионално да напредуваат, но и да го засакаат спортот уште повеќе преку квалитетна работа. Да разберат што значи дисциплина и значењето на епитетот спортист – пример за своите врсници. За сите машки и женски деца од 10 до 18 години“ ни изјави Елена Пандева
Како што информираше во реализацијата на програмските активности ќе помогнат и дурги тренери кои на учесниците ќе им пренесат професионални знаења со посебен акцент на индивидуалниот пристап на секој млад спортист.
„Кампот е замислен како интензивна програма која вклучува: Развој на технички вештини со висок интензитет. Работа на тактика, свесност во играта и донесување одлуки. Тренинзи во професионална средина во Хотел Истатов, Нов Дојран. Награди за најдобрите Нема да бидам сама. Како што е наведено и во програмата, ќе има специјални гости тренери од нашите простори и странство кои ќе помогнат со своето знаење и искуство за да обезбедиме највисоко ниво на тренинг за учесничките. Најмалку 5 тренери за сега. Затоа што нудиме уникатен спој на професионализам, дисциплина и страст. Моето име стои зад овој проект како гаранција за квалитет, каде секоја млад спортист ќе добие индивидуално внимание и шанса да учи од луѓе кои живеат за одбојката“ ни изјави Пандева
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
