Драган Мијалковски ја освои првата награда на годинашново издание на Фолк фест Валандово . Со песната ,,Илина’’ за која како потписник на музиката текстот и аранжманот се појавува Љупчо Трајковски – Фис, Мијалковски ги освои сипатиите на годинашново 34 издание на фестивалот кој понуди нови 20 новокомпонирани народни песни
Драган Мијалковски пред точно 20 години настапуваше на овој реномиран фестивал кога ја отпеа песната ,,Дојди ми Лено на перниче бело,, песна која стана хит и понатаму е доста слушана и изведувана од повеќе пејачи.
Второто место на Фолк фест Валандово им припадна на домашниот ансамбл „Распеани валандовчани“ кој настапи со песната „Љубов преку граница“ дело на покојниот Леонид Манчев, кому постхумно му беше доделена наградата за животно дело бидејки беше поборник за овој фестивал.
Третото место го освоија дури три композиции што за првпат се случува на Фолк Фест Валандово. Заради ист број на освоени поени, третата награда ја поделија „Седма зима“ на Елена Андоновска, „Добредојде таго“ на Благоја Грујовски и „Моја Мирјана“ во изведба на Јовица Мицевски.
фото Радио Валандово
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
