Заврши реконструкцијата на булеварот ,,Првомајска’’ во Валандово. Делницата од 350 метри која се работеше изминативе неколку месеци, доби булеварско решение а целиот потег доби и ново осветлување за што од општинскиот буџет се потрошени приближно 17 илјади и 500 евра. Станува збор за главната влезно-излезна улица во Валандово, долга 1.078 метри која доби и нов асфалт, беа преуредени оштетените делови на тротоарите а беше поставена и хоризонтална и вертикална сигнализација.
Стануваше збор за делница која преставуваше тесно грло во сообраќајот и со негова реконструкција се очекува во голема мера да се подобри безбедноста во сообраќајот но и за пешаците. Средства беа обезбедени преку Светска Банка која одобри грант од 260 илјади евра за проширување на делницата и претварање во булевар. Договорот за реконстуркција на булеварот го доби фирмата „ВАТО ДОО – Студеничани“, додека уличното осветлување за кое општинските власти добија позитивни коментари го постави фирмата ,,Фати транс АГ’’ од Желино.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
