Во Југоисоткот вчера казнети 42 возачи за брзо возење, најмногу во Радовиш и Гевгелија

1401

Во текот на вчерашниот ден (11.10.2021) полициските припадници на СВР Струмица кој го покрива Југоисточниот регион казниле 42 возачи, во акцијата за санкционирање учесници во сообраќајот кои управувале моторни возила со брзина поголема од дозволената. Како што соопшти портпаролката на СВР Струмица Александра Трајанова најмногу казни во текот на вчерашнито ден за брзо возење се изречени на подрачјето на Полициската станица Радовиш- 17. На подрачјето на ПС Гевгелија изречени се 13 казни, 10 на подрачјеот што го покрива ПС Струмица и две во Валандово.

Во текот на вчерашниот ден (11.10.2021) е зајакната акциска контрола за брзо возење се спроведе и на територијата на цела држава, при што санкционирани се 394 возачи. Од нив, 53 возилa се движеле со брзина над 50 километри на час повеќе од дозволеното, а пет возила се движеле со дури над 70 километри на час повеќе од дозволената брзина. Притоа, 175 возачи ја пречекориле брзината во населено место, а 219 надвор од населено место.

Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта.

 

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.