Во среда премира на филмот ,,Вистината за Бади” на Мултус од Гевгелија – приказна како медиумската кампања прави штета на маалскиот миленик

1991

Во среда Центарот за едукација, култура и активизам ,,Мултус” од Гевгелија премиерно ќе го промовира краткиот игран филм ,,Вистината за Бади“ во кој се пренесува приказната, како една медиумска кампања и една еднострана вистина, придонесуваат за потенцијална животна штета врз маалскиот миленик Бади. Станува збро за филм изработен од средношколците од училиштето ,,Јосиф Јосифовски” од Гевгелија преку кои алармираат за можното негативно влијание на медиумите кога информираат еднострано и непрофесионално, без да се сослушат сите засегнати страни за одреден проблем во заедницата.

Станува збор за филм кој Центар за едукација, култура и активизам Мултус од Гевгелија и учениците од „Јосиф Јосифовски“ Гевгелија го изработија како деч од проектот од проектот за развивање  на критичко размислување „Сите вистини на вестa“. Во рамките на овој проект, Мултус досега објавија и неколку видеа преку кои детектираат низа пропусти во информирањето и како читателите, гледачите и слушателите треба да размислуваат кога добиваат одредена информација.

– Филмот го работевме со голем ентузијазам од вклучените средношколци. Оваа активност беше вметната во проектот со 2 цели – да се прикаже потенцијалната штета на медиумските манипулации и да се даде шанса на гевгелиските средношколци да се вклучат во ваков предизвик и да создадат филм. Се надеваме дека некој од нив ќе остане со овој интерес и дека ќе го одбере токму овој правец за своја кариера – изјавуваат од Центар Мултус.

Проектот „Сите вистини на веста“ е дел од проектот Со критичко мислење до граѓани со медиумска умешност – КриТинк, спроведуван од Фондација Метаморфозис и Еуротинк – Центар за европски стратегии подржан од Европската унија. Филмот  својата online премиера во среда, на 24 јуни, во 18:00 часот, на официјалната ФБ фан страна на Центар Мултус. https://www.facebook.com/MultusCentar

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.